Lo rescontre

L'objectiu del rescontre es de promòure la rigor e l'excelléncia professionala dels jornalistas e redactors dels mèdias locals de nòstras zònas territorialas e lingüisticas combinadas a una perspectiva europèa e internacionala qu'a per tòca de detectar las nòvas melhoras de la premsa locala que valorizen la recèrca dins l’encastre del jornalisme local, l'analisi e lo trabalh d'informacion documentada e contrastada. A mai, cerca de favorizar l'engatjament dels legeires/utilizators/telespectators/auditors en creant de ligams amb lo public e, atal, en creant una comunautat estrechament identificada als mèdias locals que favorize la creacion d'ecosistèmas de trabalh collaboratiu entre los mèdias dels dos costats dels Pirenèus. Enfin, desira de promòure l'innovacion dins lo jornalisme en utilizant de nòus biaisses o combinasons de difusion d'informacions de proximitat que rapròchen lo legeire d'aqueles mèdias.

Un rescontre que permetrà als redactors e als jornalistas dels mèdias locals d'èsser de professionals mai ben preparats, dotats d'una capacitat critica e creativa, que lor facilitarà lo melhorament de lors projèctes editorials en los rendent mai responsables e innovants, en lor balhant d'espleches practics que lor permetràn d'afrontar los cambiaments constants del sector de l'edicion.